حوصلہ

 سمت کا تعین  عین  ممکن ہے

اس ہی دنیا میں عین ممکن ہے

جو نہ  کرسکو ہمت سے کام لو

سب کچھ کر جانا عین ممکن ہے

ملتے رہنا سب کے  ساتھ  لیکن

اکیلے  رہنا بھی عین  ممکن  ہے

جب نہ کر پاؤ  تو  بھروسہ  رکھو

اللہ کا ساتھ ہر دم  عین ممکن  ہے

عمل جاری ہونا ہی ضروری ہے

اجر دینا رب نے عین ممکن ہے

نہ  دے  ساتھ  جو  تمہارا  ہر  پل

رب ہے موجود  عین  ممکن  ہے

اکیلے  رہنا  بھی  الگ   ہے  کنول

سب کا ساتھ  دینا  عین  ممکن  ہے

صلہ

 ہر کچھ عر صہ بعد ملا ہے

تو ہی نے کوئی صلہ دیا ہے

تیرے ساتھ ہونے کا احساس

ہر بار ہی تو نے دلا دیا ہے

بھٹک جاؤں تو لے آتا ہے

 دل جو پھر سے ہلا دیا ہے

دل و دماغ میں ہے بہت کچھ

 ٹھہراؤ میں حصہ دیا ہے

اب جو ہٹی تیری راہ سے کنول

دوبارہ اپنی ڈور کا سرا دیا ہے 

یاد

کہی  جو ان کہی رہ گئ

اس پہ اب پچھتانا کیا

جو گزر گئ    ، یاد   ہے

اس کا   اب    بہانا کیا

 شب وروزگزرنےہیں

 روز ان میں جانا کیا

 بچھڑ کےان سےراہ

 لوٹ کےان کا آناکیا

دل جو بھرا اب کنول

خود    کو  اب  بہلانا  کیا

سوچیں۔۔کیا ہیں؟؟

یہ سب باتیں جو میں لکھ رہی ہوں یہ نا مکمل ہیں۔وہ باتیں ہیں جو مجھے اکثر تنگ کرتی ہیں۔اسی لئے سوچا کہ لکھ ہی لوں۔ 

امید کرتی ہوں کہ پسند آئیں گی۔آہستہ آہستہ ان میں اضافہ کروں گی۔ 

بندہ جب سوچنے پہ آتا ہے تو سوچے ہی چلا جا تا ہے۔جب تک کان سے پکڑ کے واپس نہ لاؤ تو واپسی نا ممکن لگتی۔انسان کی سوچ اسے کہاں سے کہاں تک لے جاتی ہے۔ کبھی اچھا سوچتا تو اچھا ہی سوچتا اور برا سوچنا شروع کر دے تو برے سے برا سو چے جاتا۔۔

  کیا انسان اپنی سوچ کو بدل سکتا ہے؟ ُ اگر ہاں تو کس طرح؟؟؟

اصل تفریح کیا ہے-کھیل کھلینا یا ٹی وی اور موویز دیکھنا

تفریح انسان کی زندگی میں بہت اہمیت کی حامل ہے۔یہ انسان کو پریشانیاں بھلانے اور فریش ہونے کا موقع فراہم کرتی ہے۔اور انسان کو صحت مند رکھتی ہے۔

 سوال یہ ہے کہ

اصل تفریح کیا ہے-کھیل کھلینا یا ٹی وی اور موویز دیکھنا

کھیل یہ ہے کہ انسان اپنی طاقت اور قوت کو استعمال کرے یعنی کوئی جسمانی کام کرے۔ بغیر قوت صرف کیے کھیل تو نہیں ہوسکتا۔ وہ تو کچھ اور ہی ہو گا جسے میں بھی نہیں جانتی اور شاید آپ بھی نہیں۔ اگر جانتے ہیں ضرور بتائیے۔
کھیل تو بہت سارے ہیں۔

اس کے بر عکس ٹی وی اور موویز دیکھنا  کھیل تونہیں ۔کیونکہ  یہ انسانی صحت کو بری طرح متاثر کرتے ہیں۔ایک طرف تو سر درد کا اوردوسری طرف اعصاب پر بوجھ یعنی ڈپریشن کا باعث بنتےہیں۔
ایک ہی عمر کے بچوں کی دو طرح کی مصروفیات ہیں۔ایک   اپنے گلی محلےمیں کھیل (کرکٹ وغیرہ) کھیلتا ہےاور دوسراٹی وی یا مویز دیکھتا ہے۔

 اہم سوال یہ ہے کہ ان دونوں میں فرق کیا ہے؟
فرق صرف اتنا ہے کہ پہلا صحت مند اور دوسرا کمزور ہے۔دوسرا خوامخوا ساس بہو کی لڑائیوں کی وجہ سے اپنا خون جلاتا ہے

کسی نے کیا خوب کہا ہے کہ

صحت مند جسم میں صحت مند دماغ ہوتا ہے۔

فیصلہ آپ کریں کہ

اصل تفریح کیا ہے؟ 

یا

ضروریات یا خواہشات

میں نے ایک کتاب میں پڑھا تھا کہ

اپنی زندگی کو ضروریات تک محدود رکھو اور خواہشات سے پرہیز کرو کیونکہ ضروریات فقیر کی بھی پوری ہوتی ہیں اور خواہشات بادشاہ کی بھی ادھوری ر  ہ جاتی ہیں۔

 اگر اس بات کو  سامنے رکھتےہوئے دیکھیں تو  موجودہ دور کا ہر شخص ہی خواہشات کے پیچھے  بھاگ رہا ہے۔ ہر ایک کے سر پر خواہشات کابھوت سوار ہےجس کی وجہ سے وہ  ہر طریقہ آزما رہا ہے۔کہیں خواہشات کی خاطر چوری تو کہیں رشوت سے کام لے رہا ہے۔حتی کہ دوسروںکا حق چھیننےسے بھی باز  نہیں آرہا۔فرینکلن نے کیا خوب کہا ہے

اپنی پہلی خواہش کو دبانا ساری خواہشات کو پورا کرنے کی نسبت بہت آسان ہے۔

جہاں تک بات ضروریات کی ہے تو  ضروریات اورخواہشات میں واضح فرق ہے۔کپڑے پہننا،کھانا کھانا اور سواری استعمال کرنا  ضروریات ہیں۔مگرنت نئے فیشن کے مطابق پہننا،اچھا کھانا پینااور نئی ماڈل کی گاڑی کے علاوہ کوئی اور استعمال نہ کرنا خواہشات ہیں۔ایک بات اورکہ

ہر خواہش ضرورت نہیں ہوتی مگر ہر ضرورت خواہش ہوتی ہے۔

مشہور مقولہ ہے

ضرورت ایجاد کی ماں  ہے۔

انسان کو جیسے جیسے جس جس چیز کی ضرورت پڑی وہ اپنی عقل کو  استعمال کرکے وہ ایجاد کرتا گیا۔حفاظت کے لئے گھر بنا ڈالا،جسم کو ڈھاپنے کے لئے کپڑےاور اتنی ترقی کی کہ دنیا کے ایک کونے میں بیٹھ کر دوسرے کونےکا حال جاننے لگا۔
ارے اب سوچنے کی بات یہ ہے کہ اگر خواہش ایجاد کی ماں ہوتی تو کیا ہوتا؟ہوتا یہ کہ

خواہش ایجاد کی سوتیلی ماں ہوتی۔

پانچ باتوں کی باز پرس

قیامت کے دن انسان کے قدم اپنی جگہ سے ہٹ نہ سکیں گے ۔ یہاں تک کہ اس سے پانچ باتوں کی باز پرس نہ ہو ۔    

عمر کن کاموں میں گزاری۔                                     

جوانی کی توانائیاں کہاں صرف کیں۔
مال کہاں سے کمایا۔
مال کہاں خرچ کیا۔
جو علم حاصل کیا اس پر کہاں تک عمل کیا۔